വിശ്വരൂപ വിവാദം ഹേ റാ മിലെക്കൊരു തിരിഞ്ഞുനോട്ടം

2000 ത്തില്‍ പുറത്തിറങ്ങിയ  . ഹേ റാം  എന്ന കമല്‍ ഹാസന്റെ ശക്തമായ ഒരു സിനിമയെ വിശ്വരൂപം എന്ന പുതിയ വിവാദത്തില്‍ ഓര്‍ക്കുന്നു...
ഹേ റാം ..കമല്‍ ഹാസ്സന്‍ 12 വര്‍ഷങ്ങള്‍ക്കു മുന്‍പ് വിവാദങ്ങളുണ്ടാക്കിയ ചിത്രമായിരുന്നു . അന്ന്  ഗാന്ധിജിയെ വികലമായി ചിത്രീകരിച്ചു എന്ന് പറഞ്ഞു Indian national congress ഈ സിനിമ തടസ്സപ്പെടുത്താന്‍ ശ്രമിച്ചിരുന്നു ,തുടര്‍ന്ന് BJP യും സന്‍ഘുകളും ഗാന്ധി വധത്തിന്റെ പ്രശ്നങ്ങളെ ചൊല്ലിയും  വിവാദമാക്കിയിരുന്നു  ..എന്നാല്‍ ആ സിനിമയും ഗാന്ധിവധവും ഒരു തരം മത തീവ്രവാദത്തിന്റെ പരിണിത ഫലവും അത്തരം മതാനുയായികള്‍ മാനസ്സന്തരപെടേണ്ടവരാണെന്നുമുള്ള കമലിന്റെ ദ്രിശ്യ വായന അന്നും വലിയ കൊളിളക്കമുണ്ടാകിയിരുന്നു  ഹിന്ദു മത ഭ്രാന്തനായ ഗോഡ്സേആയിരുന്നു ഹേ റാമില്‍ ലക്ഷ്യമെങ്കില്‍ മുസ്ലിം മത വിശ്വാസി ആയ ബിന്‍ ലാദന്‍ ആണ് വിശ്വരൂപത്തിന്റെ ലക്‌ഷ്യം  ....box office ഹിറ്റ്‌ ആകാഞ്ഞ ഇന്നും  കാലിക പ്രസക്തി യുള്ള അധികമാരും ശ്രദ്ധിക്കാതിരുന്ന സിനിമയുടെ ചുരുക്കം ഇങ്ങനെ .....ഹേ റാമില്‍ സാകേത് റാം എന്ന ബ്രാഹ്മണന്റെ വേഷത്തില്‍  വന്ന കമലും അംജദ്‌ അലി ഖാന്റെ വേഷത്തില്‍ ഷാരൂഖും പുരാവസ്തു വകുപ്പില്‍  ബ്രിട്ടീഷ്‌ archeologist Mortimer Wheeler നിര്‍ദേശത്തില്‍  4000 വര്ഷം പഴക്കമുള്ള മോഹന്‍ ജദാരോ ഉത്ഖനനങ്ങളില്‍ സഹപ്രവര്‍ത്തകരായി ജോലി നോക്കിയിരുന്നവരായിരുന്നു തങ്ങള്‍  മനസ്സാ അനുകൂലിക്കാത്ത വിഭജനത്തെ തുടര്‍ന്ന്  മോഹന്‍ ജദാരോ നിന്നിരുന്ന സ്ഥലം  പാകിസ്ഥാന് കീഴില്‍ ആയപ്പോള്‍  പഠനങ്ങളും ഖനനങ്ങളും വേദനാജനകമായി നിര്‍ത്തി പിരിയെണ്ടി വരികയും തുടര്‍ന്ന്  സാകേത് റാം; വര്‍ഗീയ ലഹളയുടെ ഭാഗമായി തന്റെ ഭാര്യ മരിക്കേണ്ടി വരുകയും  ; പാകിസ്താൻ വിഷയത്തിൽ ഇന്ത്യയെ വഞ്ചിച്ച ഗാന്ധിജിയെ  വധിക്കണമെന്ന പക്ഷക്കാരനായ ശ്രീരാം അഭ്യങ്കറിന്റെ വലയില്‍ വീഴുകയും  ചില തെറ്റിധാരണകളുടെ പുറത്തു ഗാന്ധിജിയെ വധിക്കാനുള്ള ലക്‌ഷ്യം ഏറ്റെടുക്കുകയും തുടര്‍ന്ന് വീണ്ടും കണ്ടു മുട്ടുന്ന അംജദ്‌ അലി ഖാന്റെ ഇടപെടലുകള്‍ മൂലം ഗാന്ധിജിയെ ശരിയായി മനസ്സിലാകുവാനും തുടര്‍ന്ന് മാനസാന്തരം സംഭവിക്കുകയും ചെയ്യുന്നു ഇതിനിടയില്‍ ഗോഡ്‌സെ ഗാന്ധിജിയെ വധിക്കുകയും സാകേത് റാം ഗാന്ധിയനായി ജീവിതം തുടരുകയും  ജീവിതാന്ത്യത്തില്‍ ഒരു ആശുപത്രി യാത്രക്കിടയില്‍ ബാബരി മസ്ജിദ്‌ തകര്‍ത്ത വാര്‍ഷികത്തിന്റെ ലഹളകളില്‍ ഇപ്പോളും മനം നൊന്തു മരണപ്പെടുന്നു  .. ഇത്രയും തീവ്രമായ  ചരിത്ര വസ്തുതകള്‍ സിനിമയിലൂടെ ധീരമായി പുനര്‍ വിചിന്തനം നടത്താന്‍ തുനിഞ്ഞ കമല്‍ ഹാസ്സന്‍ ആദരവ്‌ അര്‍ഹിക്കപെടുന്നു ...ഒരു പക്ഷെ യാഥാര്‍ത്ഥ്യം തിരിച്ചറിഞ്ഞു മാനസ്സാന്തരം വന്നിരുന്നുവെങ്കില്‍ ഇന്ത്യന്‍ ചരിത്രത്തിലെ ഏറ്റവും വലിയ  കളങ്കമായ ഗോഡ്സേ ഉണ്ടാവുമായിരുന്നില്ലെന്നും വായിച്ചെടുക്കാം ..പലപ്പോഴും തീവ്രവാദികളാക്കപെടുന്നവര്‍ വിചാരം നഷ്ടപ്പെടുന്ന വേളയില്‍ ആണ് ആയുധം എന്തുന്നത് .. 12 വര്‍ഷങ്ങള്‍ക്കു ശേഷം വീണ്ടു വിഷയം മത തീവ്രവാദം തന്നെ ...any way tribute to his boldness still keeping

ടാ തടിയാ ..മഠയാ...

ഞാന്‍ ഇങ്ങനെയാണ് അതിനെന്താണു ഭായ്  ..

 "വാനം നീലയാണ്  ഭായ്
പാലം തൂണിലാണ്  ഭായ്
ഞാന്‍  ഇങ്ങനാണ്  ഭായ്
അതിനെന്താണു ഭായ് "

ഇലകള്‍ പച്ചയാണ്  ഭായ്
പൂക്കള്‍ മഞ്ഞയാണ് ഭായ്
ഞാന്‍ ഇങ്ങനാണ് ഭായ്
അതിനെന്താണ് ഭായ്

ലോകം ഉണ്ടയാണ്
ബുദ്ധി മണ്ടേലാണ്
ഈടെ പാമ്പുമുണ്ട്
ഈടെ പല്ലിയുണ്ട്
ഈടെ ഈടെ ചീങ്കണ്ണിയുണ്ട്
ഞാനുമുണ്ട് നീയുമുണ്ട് ഭായ്

പ്രാണന്‍ ശ്വാസമാണ്  ഭായ്
പോയാല്‍ പോയതാണ് ഭായ്
ഈ ആട്ടോം പാട്ടും നിന്നുപോകും ഭായ്
അതങ്ങനാണ് ഭായ്

ആഷിക് അബു മലയാളിയോട് ധൈര്യ സമേതം പിന്തുടരാന്‍ ആവശ്യപ്പെടുന്ന മുദ്രാവാക്യം ആണ്  " ടാ തടിയാ " എന്ന ചലച്ചിത്രം ,മലയാളി പ്രധാനമായും തന്റെ അഴകളവുകളിലും രൂപ ഭാവങ്ങളിലും വികസിതമായ   അസ്തിത്വം തേച്ചു മാച്ചു കളഞ്ഞു സുന്ദരനാകാന്‍ ശ്രമിച്ചു കൊണ്ടിരിക്കുകയാണ് , നമ്മുടെ അപകര്‍ഷതാബോധത്തിന്റെ ഹിമാലയന്‍ സൌധങ്ങളിലാണ്  പലരും കച്ചോടം പോടീ പൊടിക്കുന്നത് ;വട്ടായി പോകുന്നതും  നമ്മള്‍ തന്നെയാണ്  . അവിടെ വാനം നീലയാണെന്നും,  ഇലകളുടെ പച്ച നിറം തന്നെയാണ് അതിന്റെ അസ്തിത്വം എന്നും പൂക്കളുടെ നിറ വൈവിധ്യമാണതിന്റെ വ്യത്യസ്തത എന്ന തിരിച്ചറിയുമ്പോളാണ്, നമുക്ക് ഞാന്‍ ഇങ്ങനെ ആണെന്നും അതിനു  നിനക്ക് എന്താണെന്നും എന്റെ രൂപ വ്യത്യാസങ്ങള്‍ ചുരണ്ടി തിന്നരുതെന്നും ഘടാഘടിയന്മാരായ കമ്പനികളോട് ഉറക്കെ ആവശ്യപ്പെടാന്‍ കഴിയുന്നത് .       ഈ പഞ്ച്  തന്നെയാണ്  "ടാ  തടിയ" എന്നോട് പറഞ്ഞത് . പാമ്പും ,പല്ലിയും, ചീങ്കണ്ണിയും ഒക്കെ ഒരു മനസമാധാനക്കേടുമില്ലാതെ  വസിക്കുന്ന ഈ ഭൂമിയില്‍ അഴകളവുകളിലെ ദിവ്യാനുപാതമളന്നിരിക്കാതെ ജന്മസിദ്ധമായ കഴിവ് പ്രകടിപ്പിക്കാന്‍  ലേപനങ്ങളേശാത്ത  മണ്ടേലാണ്  ബുദ്ധി എന്ന് ഓര്‍മിപ്പിക്കേണ്ടി വരുന്നു .

  ഉയരക്കുറവിനും ,കഷണ്ടിക്കും ,നിറത്തിനും മുടിക്കും ഒക്കെ അപകര്‍ഷത്തോടെ നാം അനാകര്‍ഷകമെന്നു തോന്നുമ്പോള്‍  ആ തണലില്‍ ഉയരം വയ്ക്കുന്നതും നിറവും വണ്ണവും വയ്ക്കുന്നത് അണിയറയ്ക്ക്  പിന്നിലാണെന്ന് അറിയാന്‍ പരസ്യങ്ങളില്‍ ഇടതടവില്ലാതെ ചിന്ത വിശ്രമിക്കുമ്പോള്‍  നാം മറക്കുന്നു .. പലപ്പോളും അകക്കാമ്പിന്റെ ബലഹീനത മറയപ്പെടുന്നത് സൌന്ദര്യം എന്ന ആവരണത്തിലാണന്നതും; നമ്മള്‍ പണവും കാലവും നഷ്ടപ്പെടുത്തി പഠിക്കുന്നു; പഠിച്ചു കഴിഞ്ഞാലോ വൈവാഹികത പോലും വലിച്ചു കീറി കാറ്റില്‍ പറത്താനും രണ്ടാമതൊന്നു ചിന്തിക്കില്ല .
പരസ്യലോകത്തു  നിന്നും സിനിമയിലേക്കിറങ്ങിയ വേണുഗോപാലിലൂടെയാണ് ആഷിക്ക് തന്റെ നിലപാടുകള്‍ വളരെ സരസമായി  അവതരിപ്പിക്കുന്നത്‌. ഈ തീം ഗാനം ചിത്രത്തിലെ  "തീ " മൊത്തമായി ആവാഹിച്ചു രചിച്ചിരിക്കുന്നു . അഥവാ ഒരു ചലച്ചിത്രമൊന്നാകെ ഒരു ഗാനത്തി ലൊളിക്കുന്നു.  നൂറ്റൊന്നു തവണ ആവര്‍ത്തിക്കുന്നതിലൂടെ ഒരു നുണ സത്യമാക്കി യുദ്ധം വരെ നടത്താം എന്ന് തെളിയിച്ച ഹിറ്റ്‌ലറിന്റെ പിന്മുറക്കാര്‍ ജനപ്രിയ നായക/കി  വേഷത്തില്‍  വീട്ടിലെ കടിക്കുന്ന പട്ടി ആയ ടെലിവിഷനിലൂടെ നമ്മെ കബളിപ്പിക്കുംമ്പോള്‍  വളരെ ലളിതമായി ആടയാഭാരണങ്ങളില്ലാതെ ഈ വരികള്‍ നമ്മോട് ഏറ്റു പറയുകയാണ് സാഹിത്യപരമായി ഈ വരികളുടെ  കാവ്യ ഗുണങ്ങളും ഈ  തിരിച്ചറിവുകളുടെ പ്രഖ്യാപനങ്ങള്‍ തന്നെയാണ് .
ബിജിബാലിന്റെ സംഗീതവും പുതു തലമുറ പ്രേക്ഷകരോട് നീതി പാലിക്കുന്നു.

  സിനിമ കാണുന്നത് വരെ ഇതൊരു പിന്തിരിപ്പന്‍ ഗാനം ആണെന്നും യുവാക്കള്‍ തോന്നിയത് പോലെ നടക്കാനാഹ്വാനം ചെയ്യുന്ന ഗാനം ആണെന്നും ധരിച്ച ഞാന്‍ poke ചെയ്യപ്പെട്ടു ,അവിയല്‍ ബാന്റുകളുടെ അര്‍ത്ഥശൂന്യമായ ശ്രവണ സുഖങ്ങളില്‍ മുഴുകുന്ന യവ്വനത്തിനു തീര്‍ത്തും പരിചിതമായ ശൈലിയില്‍ അക്ഷരാഭ്യാസം നല്‍കാന്‍ വേണുഗോപാല്‍ ശ്ലാഘനീയമായ ശ്രമം നടത്തിയിട്ടുണ്ട് .
പുതു മുഖങ്ങളിലൂടെ ധീരമായി  പരീക്ഷണം നടത്തുവാന്‍ ആഷിക് കാണിക്കുന്ന ധൈര്യത്തിലാണ്  പുതു തലമുറ സിനിമകള്‍ "കല ജനത്തിന് വേണ്ടി "എന്ന ബാനറേന്തുന്നത് .
 ചിത്രസന്നിവേശം നടത്തിയ സാജനും, ഭവന്‍ കുമാറിനും  പ്രത്യേകം അഭിനന്ദനം .മറ്റു പല പക്ഷേകള്‍  ഉണ്ടെങ്കിലും ആസ്വാദ്യകരമായി ഒരു നന്മ മണക്കുന്ന ചലച്ചിത്രം നല്‍കുവാന്‍ ആഷികിനും ടീമിനും കഴിഞ്ഞു .മറ്റു പലരും മറന്ന എന്നാല്‍ പ്രശംസനീയമായ  YES ITS A NEW GENERATION SONG ,A NEW GENERATION SHOULD RISE  ഈ കവിതോദ്യമത്തിലൂടെ   'പ്രകാശം പരക്കട്ടെ '

ബാച്ച്ലര്‍ പാര്‍ട്ടി : ജീവിക്കാന്‍ എന്തിനു പാട് പെടുന്നു മരിക്കാന്‍ എത്ര എളുപ്പം

യുവാക്കളെ ഉണരുവിന്‍

സിഗരറ്റും മദ്യപാനവും പിന്നെ തോക്കും കൂടിയായാല്‍ നിങ്ങള്ക്ക് ബാച്ച്ലേഴ്സ് പാര്‍ടി നടത്താം എന്ന മഹത്തായ സന്ദേശം പകരുന്ന ഒരു സിനിമയാണിത് .
ബെർലിനിലെ കോൺറാഡ്‌ വോൾഫ്‌ ഹായ്‌ ഫിലിം സ്കൂളിൽ ഉപരിപഠനം നടത്തിയ ശേഷം അമല്‍ നീരദ്‌ തന്റെ ദേശീയ ചിഹ്നമായ തോക്കും തൂക്കി മലയാള സിനിമയെ വെടി വച്ച് കൊന്നു കൊണ്ടിരിക്കുകയാണ് .
തന്റെ ഈ നാലാമത്തെ ചിത്രത്തില്‍ ബുള്ളറ്റിന്റെ തൃശൂര്‍ പൂരമാണ് ഒരുക്കിയിരിക്കുന്നതു ,വില്ലന് മാത്രം വെടിയേല്‍ക്കുന്ന തോക്കുകള്‍ ഇദേഹത്തിന്റെ മാത്രം പ്രത്യേകതയാണ് ,
മനുഷ്യന്‍ ജീവന്‍ നിലനിര്‍ത്താനായി എല്ലാ ശ്രമങ്ങളും നടത്തുമ്പോള്‍ ചായ കുടിക്കുന്നത് പോലെ ആളെ കൊല്ലാനാവുമെന്നു നീരദ്‌ മോനോഹര ഫ്രെയിംകളിലൂടെ മലയാളിയുടെ കണ്ണും മനവും കുളിര്‍ക്കെ പറഞ്ഞു തരുന്നു.

തന്റെ മുന്‍ സിനിമകളായ ബിഗ്ബി ,സാഗര്‍ ഏലിയാസ്‌,അന്‍വര്‍ എന്നിവ കണ്ടിട്ടും മലയാളി ഗുണ്ടകള്‍ തോക്കെടുത്ത് തുടങ്ങിയില്ലെങ്ങില്‍ ഇതാ എന്റെ ബാച്ചിലര്‍ പാര്‍ട്ടി കാണൂ എന്ന ആത്മാര്‍ത്ഥമായ അപേക്ഷ കൂടിയാണിത്
കൊടി സുനി,കിര്‍മാനി മോനോജ് ,രജീഷ് തുടങ്ങിയ കൊട്ടേഷന്‍ സംഘങ്ങളുടെ ദുഖങ്ങളും പ്രയാസങ്ങളും ഇനിയും പറഞ്ഞു തീരാത്ത അമല്‍ നീരദ്‌ ഇനി എന്നാണു നരകത്തില്‍ നിന്നും ഭൂമിയിലേക്കിറങ്ങി വരുന്നത്

ഇപ്പോള്‍ നടന്നു കൊണ്ടിരിക്കുന്ന ഭീകരമായ രാഷ്ട്രീയ കൊലപാതകങ്ങളെ പോലും ആര്‍ക്കും നിസ്സാരവല്‍കരിക്കാനുതകുന്ന ചലച്ചിത്ര വ്യഖ്യാന പിന്‍ബലം മനോഹരമായി രചിക്കുന്നതില്‍ നീരദ്‌ വിജയിക്കുന്നു . ഒന്നുകില്‍ നീരദിന് ബാല്യകാലത്ത് കിട്ടാതിരുന്ന ഏറ്റവും ആഗ്രഹമുള്ള കളിപ്പട്ടമാകാം തോക്ക് അതിനാലാകാം അതും വച്ച് സിനിമയില്‍ കളിച്ചുകൊണ്ടിരിക്കുന്നത് അല്ലെങ്കില്‍ ഉണ്ടയില്ലാതുണ്ടാക്കിവിടുന്ന സംവിധാന പാപ്പരത്തം തന്നെ.

പുസ്തകത്തില്‍ നിന്നും സിനെമയിലേക്കെത്തുംപോള്‍ കൈകാര്യം ചെയ്യുന്ന ഭാഷ ഒന്ന് സദാചാരീകരിച്ചാല്‍ പുതു തലമുറയുടെ കാമ്പുള്ള എഴുത്തുകാരായ ഉണ്ണിയും സന്തോഷും തിരക്കഥാരചനയിലെ പുതിയ പ്രതീക്ഷകളായെക്കാം, അശ്ലീലം പറഞ്ഞാല്‍ ന്യൂ ജനറേഷന്‍ സിനിമയായി എന്നാ ധാരണയും നല്ലതല്ല .

സ്ലോ മോഷനില്‍ വെടി വെയ്ക്കാന്‍ കഴിയില്ലെന്നും തന്റെ ഈ വെടിവെയ്പുല്‍സവങ്ങള്‍ പ്രേക്ഷകരുടെ ആരോഗ്യത്തിനു ഹാനികരമാണെന്നും കൂടി നീരദ്‌ അറിയേണ്ടതുണ്ട്

നിറതോക്കും ദുഷ്ടചിന്തകളുടെ ഒഴിയാത്ത ആവനാഴിയുമുള്ള താങ്കളുടെ അടുത്ത ചിത്രത്തിനായി മലയാള സിനിമ പേടിയോടെ കാത്തിരിക്കുന്നു

ഡയമണ്ട് നെക്ക്ലെസ്

ഡയമണ്ട് നെക്ക്ലെസ് എന്ന സിനിമ ലാല്‍ ജോസിന്റെ രണ്ടാം ഭാവം എന്നാണു പരസ്യം ..
വല്യ കുഴപ്പങ്ങളില്ലാതെ കണ്ടുകൊണ്ടിരിക്കാം ..

സാമ്പത്തിക അച്ചടക്കം നഷ്ടപ്പെടുന്ന ഒരു ഉയര്‍ന്ന വരുമാനക്കാരന്റെ സാംസ്കാരിക അച്ചടക്കവും പോയാലുള്ള അവസ്ഥയാണ് ഈ സിനിമ ..
കഥാ തന്തുവായ ഈ ഡയമണ്ട് നെക്ക്ലെസ് സിനിമയില്‍ കടന്നു വരുന്നത് jos alukkaas നു വേണ്ടി ആണന്നു തോന്നിപ്പിക്കുന്ന രംഗങ്ങള്‍ ഉള്‍കൊള്ളിചിട്ടുള്ളതിനാല്‍ തന്നെ അവരുടെ ഒരു പരസ്യം എന്ന നിലക്കും കാണാം ..
ഡയമണ്ടിനെ പ്രോല്‍സാഹിപ്പിക്കാന്‍ ജ്വല്ലറി ക്കാരുടെ കൊണ്ട് പിടിച്ച ശ്രമങ്ങള്‍ക്കും ,മാറി വരുന്ന ആഭരണ സങ്കല്പങ്ങള്‍ക്കും ഒരു ലാല്‍ ജോസ്‌ സംഭാവന എന്നും പറയാം ...

ഇതു മാറ്റി നിര്‍ത്തിയാല്‍ അടി പിടിയും കൊലപാതകവും ഇല്ലാത്ത,അപ്രമാദിത്വങ്ങളില്ലാത്ത ഒരു കഥ നന്നായി അവതരിപ്പിച്ചിട്ടുണ്ട് ..പക്ഷെ പലതും കുറച്ചുകൂടി വിശ്വസനീയമാക്കാം ആയിരുന്നു എന്ന് തോന്നി ..
മലപ്പുറം ഭാഷ ഉപയോഗിക്കുന്ന ശുക്കൂര്‍ എന്നാ കഥാപാത്രത്തിന് നല്ല കയ്യടി കിട്ടുന്നുണ്ട് ..

വിദ്യാസാഗറിന്റെ 'നിലാമലരെ 'എന്ന ഗാനം മനോഹരമായി ശ്രീനിവാസ്‌ പാടിയിരിക്കുന്നു ..

ചാപ്പാ കുരിശിന്റെ സംവിധായകനായ സമീര്‍ താഹിര്‍ വീണ്ടും ച്ഛായാഗ്രഹണത്തിലേക്ക് ഇറങ്ങി വന്നു വളരെ നന്നാ യി ദുബായിയുടെ നയന മനോഹാരിത പകര്‍ത്തുന്നു..

22 F K ക്ക് ശേഷം പ്രതികാര ദുര്‍ഗകളാകാന്‍ കാത്തിരിക്കുന്ന മലയാളി സ്ത്രീകള്‍ക്കിടയിലേക്ക് വരുന്ന പുതിയ കഥ നോക്കിയാല്‍ ഒരു നായിക തന്‍റെ മാനത്തിന് പകരം നെക്ക്ലെസ് സ്വീകരിച്ചു പോകുന്നു ,മറ്റൊരാള്‍ തന്‍റെ മാനം നഷ്ടപ്പെടുത്തിയതിനു വിലയായി നെക്ക്ലെസ് ദാനം കൊടുക്കുന്നു ..

മലയാളി സ്ത്രീകള്‍ ലാല്‍ ജോസിനെയും ആശിഖ്‌ അബുവിനെയും കുലങ്കഷമായി പഠിക്കട്ടെ...

ഒരു പക്ഷെ നമ്മുടെ സാംസ്കാരിക അന്തരീക്ഷത്തിനനുസരിച്ചാണോ അതോ ഒരു ട്രെന്‍ഡ് സെറ്റെര്‍ ആയിട്ടാണോ ഒരേ തരം കഥാപാത്രങ്ങള്‍ ഫഹദിനെ തേടി വരുന്നത് എന്ന ഒരു സംശയം മാത്രം ബാക്കി നില്‍ക്കുന്നു ..

ഇരുപത്തി രണ്ടു ഫീമയില്‍ കോട്ടയം

മലയാള സിനിമയിലെ ഒരു ധീരമായ പരീക്ഷണമാണ് 22 FK
,തന്റെ കഴിഞ്ഞ സിനിമയില്‍ നിന്നും തികച്ചു വ്യത്യസ്തമായ ഒരു പ്രമേയം

മലയാളി മനപൂര്‍വം മറന്നു കളയുന്ന ജീര്‍ണിച്ച സാംസ്കാരിക പരിപ്രേക്ഷ്യങ്ങളുടെ ഭീദിതമായ ഫ്രെയിമുകള്‍ നമ്മുടെ ഓര്‍മകളിലേക്ക് ഒന്ന് അടുക്കി വയ്ക്കുകയാണ് ആശിഖ് 22 FK യിലൂടെ ചെയ്തിരിക്കുന്നത് .

സേഫ്റ്റി പിന്നുകള്‍ക്ക് വരുതിയിലാകാന്‍ കഴിയാത്ത തരത്തില്‍ വളര്‍ന്നു കൊണ്ടിരിക്കുന്ന പുരുഷത്വത്തിന്റെ അഹങ്കാരങ്ങള്‍ക്ക് ഇനി കരിമൂര്ഖന്റെ വിഷവും ,operation knife ഉം വേണ്ടി വന്നേക്കാം ..
പുരുഷന്റെ മനസ്സില്‍ നാമ്പിടുന്ന ചെറിയ ചെറിയ ഗോവിന്ദചാമിത്വങ്ങളെയും മുളയിലെ നുള്ളാന്‍ ഇത്രയും ഭീകരമായി ചിത്രീകരിക്കേണ്ടി വരുന്നുണ്ട് അതും വളരെ മികച്ച ദ്രിശ്യങ്ങളിലൂടെ ഒട്ടും അശ്ളീലമാകാതെ സംവിധായകന്‍ പകരുന്നുണ്ട് ..
rape ന്റെ ഭീദിതമായ അവസ്ഥ എത്ര പേരിലേക്ക് എത്തിക്കാന്‍ കഴിഞ്ഞു എന്നതാണ് ഈ സിനിമയുടെ വിജയം ..
തന്റെ മദ്യപാന മികവിലൂടെ നായകനെ തോല്‍പ്പിക്കുന്ന ടെസ്സ ഇത്തരം മോഡേണ്‍ സവ്ഹൃദങ്ങളിലൂടെ ഒടുവില്‍ തോല്കപ്പെടുകയാണ് ഉണ്ടാവുക എന്ന പാഠവും തരുന്നുണ്ട് അല്ലാതെ പലരും നിരൂപിച്ചത് പോലെ കോട്ടയം സ്ത്രീകളെല്ലാം മദ്യപാനികളാണ് എന്ന് സംവിധായകന്‍ അവഹെളിക്കുന്നില്ല ..
പ്രതാപ്‌ പോത്തന്റെ ആക്രമണത്തിന് വിധേയമാകുംപോളും ചുമരില്‍ ആണിയടിക്കപ്പെട്ട നിലയിലെ യേശു ദേവന്‍റെ നിസ്സഹായത ..മതങ്ങള്‍ നല്‍കിയിരുന്ന സാംസ്കാരിക ഗുണങ്ങളുടെ ഇന്നത്തെ നിസ്സാഹയതയെ ചൂണ്ടി കാണിക്കുന്നുണ്ട് .

റീമയും ഫഹദും വളരെ നന്നായി അഭിനയിച്ചിട്ടുണ്ട് ..ഈ സിനിമ പകരുന്ന കരുത്തില്‍ പുതിയ പല ധീരമായ പരീക്ഷണങ്ങള്‍ക്കും വേണ്ടി കണ്ണ് തുറന്നിരിക്കാം ..ആശിഖ്‌ അബുവിനും ടീമിനും അഭിനന്ദനങ്ങള്‍ .

സെക്കന്‍റ് ഷോ:

"second show സിനിമ കണ്ടു ..എന്റെ മൂന്നു വയസ്സുള്ള മകന്റെ നിരൂപണം ...
കാര്‍ ഓടിച്ചു ..കത്തി വച്ച് ടാക് ടാക് മുറിച്ചു ..ഡിഷും ഡിഷും ഇടിച്ചു ..പിന്നെ തോക്ക് വച്ചു വെടിവച്ചു .....ഈ നാല് വരികളാണീ സിനിമ ..പക്ഷെ വളരെ വ്യത്യസ്തതയോടെ സംവിധാനം ചെയ്തിട്ടുണ്ട് ഒരു സുബ്രഹ്മണ്യപുരം മലയാളം റീമേക്ക്‌ പോലെ തോന്നിച്ചു ..violence പ്രോത്സാഹിപ്പിക്കുന്ന കഥ അത്ര പുരോഗമാനപരമല്ല എന്ന് മാത്രം തോന്നി ..നവാഗതനായ ശ്രീനാഥ് രാജേന്ദ്രന്‍ മലയാളത്തിന് ഭാവി വാഗ്ദാനമായി മാറിയേക്കാം..പണം ഉണ്ടാക്കാന്‍ കുറുക്കു വഴികള്‍ തേടുന്ന യുവത്വത്തെ കരുതിയാകാം ഇത്തരം കഥകള്‍ വരുന്നത് ..(ഇന്ത്യന്‍ റുപീ മറ്റൊരു ഉദാഹരണം ) ഒരിക്കലും അവസാനിക്കാത്ത പരമ്പര പോലെ ഈ സമൂഹത്തില്‍ നടന്നു വരുന്ന ഈ ആചാരം ഇനിയും നിരവധി സിനിമകള്‍ക്ക് ബീജാവാപത്തിനായി ഇവിടെ തന്നെ ഉണ്ടാകും എന്ന ക്ലൈമാക്സ്‌ ആവര്‍ത്തിക്കുന്നു ..ജീവിക്കാന്‍ വേണ്ടി മരിക്കാന്‍ തയ്യാറാകുന്ന യുവത്വതെ ഉണര്‍ത്തുന്നതിന് പകരം അവരുടെ ഹീറോഇസം ചൂഷണം ചെയ്യുന്നു എന്ന് മാത്രം .. ചിത്രവിശേഷത്തിലെ ഹരീയുടെ 7 മാര്‍ക്കിനോട് പൂര്‍ണമായും യോജിക്കുന്നു ...